!أَحٓٱسٍيسٰ بّنُإتٖ♥
مرحبا مع شروق الشمسسس و غروبها
مرحبا عددالنجوم اللامعة في الافق
مرحبا حينما تتلاطم أمواج البحر
مرحبا عند سقوط قطرات الندى على الزهر


لا تـگسب رضـا الـناس ..وتخـسر نفـسگ ..گـلهم يـرحلون وتبـقى نفـسگ لنـفسگ☺♥
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
طالت ليالي وحدتي وقصرت ليالي العمر
وطالت ساعات حرماني وذبلت ساعات الصبر
غربتني الدنيا وتركتني أهيم كأمواج البحر
وآلمتني الأيام وقست علية كل البشر
سئمت من وحدتي وغربتي وكتابة الشعر
فلا قلمي ولا شعري قادران على فك الضجر
فانا رجل هجرته الأفراح واستوطنت فيه العبر
تدور الأيام والليالي والقلب قد مل السفر
يبحث عن قلب يحيه ما تبقى من العمر
عن حب يحمله ويأخذه إلى حدود القمر
عن امرأة تحتار في وصفها آلاف القصائد والصور
كوني مأساتي كوني معجزتي كوني القدر
فانا لا اعرف كيف أو إلى أين يكون المفر
فرياحك أدارت دواليب قلبي وأزاحت عنها الصخر
ونبتت في قلبي زهره تفوح منها أجمل أنواع العطر
لونتي أحلامي وأيامي ورديتي لعيني البصر
سهرتي أفكاري واشغلتي فيك كل الفكر
لا املك فيك إلا شعري وهل في السماء يملك القمر
اعذري همسات قلبي وسامحيها فهي لا تعرف الحذر
فلولاها ما عرف قلبي ولا عشق السهر

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
تناهيد قلب
 
ملكة الاحساس
 
الاميرة الوردية
 
أميرة الصمت
 
سمو أنثى
 
وحيدة مثل القمر
 
°°tina °°
 
حنين الاشواق
 
evil girl
 
عاشقة الفردوس
 
المواضيع الأخيرة
» كيف تعرفين أنك خجولة
الجمعة يناير 15, 2016 8:54 pm من طرف الاميرة الوردية

» رجيم خاص بالسيدات
الإثنين سبتمبر 07, 2015 4:42 pm من طرف تناهيد قلب

» لاس فيغاس
الجمعة سبتمبر 04, 2015 4:41 pm من طرف تناهيد قلب

» افضل الطرق لتحسين المزاج
الجمعة سبتمبر 04, 2015 4:38 pm من طرف تناهيد قلب

» صور طبيعة متحركة
الجمعة سبتمبر 04, 2015 4:21 pm من طرف تناهيد قلب

» تحضير البسكويت بالشيكولاتة
الجمعة سبتمبر 04, 2015 4:19 pm من طرف تناهيد قلب

» ايش رايكم كثير يقولووون كذبة و في اللي حذفها و انتم
الجمعة سبتمبر 04, 2015 4:18 pm من طرف تناهيد قلب

» أناشيد مكتوبة للاطفال
الجمعة سبتمبر 04, 2015 4:17 pm من طرف تناهيد قلب

» اكسسوارات العيد للفتيات
الجمعة سبتمبر 04, 2015 4:15 pm من طرف تناهيد قلب

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 26 بتاريخ الإثنين يونيو 05, 2017 3:31 am
تصويت
أفضل 10 فاتحي مواضيع
تناهيد قلب
 
ملكة الاحساس
 
الاميرة الوردية
 
أميرة الصمت
 
وحيدة مثل القمر
 
evil girl
 
سمو أنثى
 
°°tina °°
 
حنين الاشواق
 
عاشقة الفردوس
 

شاطر | 
 

 زميلتي طلعت ولد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تناهيد قلب
Admin
avatar

عدد المساهمات : 1063
السٌّمعَة : 1
تاريخ التسجيل : 03/12/2011
العمر : 14
الموقع : http://warm.lovelyforum.net/forum

مُساهمةموضوع: زميلتي طلعت ولد   الخميس مارس 22, 2012 7:27 pm





زميلتي طلعت ولد


في قاعه الجامعه الكثير من البنات عددهم بالمئات ....

نادر ماتجد روح تجمعهم

غلب طبع الشليله


يعنى كل شله لوحدها ...

هناك من بعيد لمحتها ...

بنت أقل من عاديه ...

لفت نظرى فيها حاجتين:

الاولى : ماتهتم بشكلها ومكياجها وشعرها

مثل أغلب البنات ...

قلت يمكن هذى ميزه

مو مهم المظهر أهم شي الروح والجوهر...

الثاني : مالها حس

ساكته



صامته

طول اليووم !!!!

مر شهر واثنين وهى ساكته؟؟

معقول ماتتكلم ابدا

بين الماحضرات وقف ضجيج الطالبات

كانك بحراج

ووقفت على السبوره اشخبط بالطابشير

القيت نظره على القاعه والفوضى

الكل يتكلم

الاهى


من بعيد

ساكته

تشعر ان البنت مافيهاروح

بس عيون تراقب ....

فجاءه وقعت عينى بعينها

حاولت لفت نظرها ,,,,

الطبشوره بيدى


بسرعه كتبت اسمها بخط عريض على السبوره

نزلت الطبشوره

وركضت بسرعه لمكانى

حاولت اشوف رده فعلها

لمحتها

عيونها على السبوره والاسم

تمنيت تنطق لو حرف واحد

طيب تكتب شي على السبوره

نتخاطب بالكتابه

مو مشكله

أهم شي افهم

ليه الهدواء

سالت عنها :

من عرفنها وهى ساكته

احد تكلم معها

لا

ماتكلم احد

لاتعبين نفسك

الغريب

ان الدكتوره وهي تشرح

وتسال البنات بالاسماء

العجيب

تمر من عند اسمها

ولا تسالها

تتركها !!!

لاتستغربين

جت الاجابه من احدهن ,,,,

امها جت من فتره ونبهت على كل دكتوره

هنا ماتسالها !!!

طيب ليه ؟؟؟؟

بينى وبينكم ايها الاحبه


ماجانى نوم

صرت أفكر بالبنت

ليه ساكته

وليه امها موصيه ما احد يكلمها

ياربي فيه بنت ماتحب الهذره

مو معقووووووووله

جلست احاول

القى لحالتها تفسير

قلت يمكن

تكون البنت الوحيده بالبيت مع اولاد

عشان كذا مالها بالكلام

بس بعد مو سبب

قلت يمكن

نوع من الاكتئاب

يكفينا الشر

او حاله نفسيه

او

صدمه حب

مع اخر خيوط الليل

قررت اتكلم معها ...

ماراح ترضى تكلم معك

قالها الجميع.....


خلوني احاول

مجرد محاوله.......

في وقت الفسحه

نزل الجميع الى الكافتريا

وهى طبعا مثل العاده

مكانها

من تجى الصبح تجلس

جلسه وحده

وتقوم اخر النهار

لو مره ما شفتها

طالعه مع البوابه

كان قلت تنام في مكانها

القاعه فضت

عديد بسيط من الطالبات

استجمعت كل شي عندى

قوتى ,, وانفاسي

وحب الاستطلاع عندى

ورحت لها

صراحه مدرى ليه كنت خايفه

بس قلت ربي معى دام قصدى خير

يارب

وتقدمت خطوات

وانا بنص الطريق

التفت للسبوره

للحين اسمها موجود

ايه تذكرت اسمها

من الخووف بديت انسى

سحبت كرسي وجلست باالقرب منها

ابتسمت لها ابتسامه

حسيت انها بتكون اخر ابتسامه لي

سلمت


مافيه جواب

ناديت عليها يافلانه

لاحياه لمن تنادى !!!

تاملت حالها

بنت بالعشرينات

متوسطه بكل شي

ملابسها مبهذله

التنوره من شهور يمكن مانغسلت

وانا اتامل حالها

طالعت فينى بنظرات

قلت يالموت وينك

هذا اخر اللقافه

التفت حولى لقيت القاعه فيها ناس

اشوى

مو لحالي

استجمعت كل قوتي

ونطقت

بصراحه ماقدرت انطق

قلت يمكن بسم الله

الركن الى جالسه فيه

يخلى الواحد ساكت

لسانى ثقل

اعوذ بالله منك يابليس

أنت ليه بس ساكته

نطقت اخيرا

ليه ماتتكلمين مع البنات

ليه مالك صديقات

ليه بس جالسه لوحدك

احد مزعلك

فيه شي مضايقك

انا اسفه على تدخلى

بس حابه اسمع منك

تكلمى

عبرى

فضفضى

كلنا هنا خوات

طيب

عرفينى على نفسك

انا ماعرف غير اسمك بس ..

وطالعت ناحيه السبوره

اذكرها انى كتبت اسمها هناك

رجعت عيونى لها

طيب

مو مشكله


انا اعرفك على نفسي

خلى البدايه من عندى

اسمى

سليله

وعمرى

21

دخلت القسم مو رغبه اولى

رغبه ثانيه

كنت حابه ادرس علم نفس

وأنت كنتى حابه القسم ؟؟

.....................


والله ياجماعه اذا الجدار نطق هى نطقت

صمت

قلت يمكن سوالفى مثل وجهى

خلينى اغير الموضوع

تكلمت عن الجامعه

وكيف صارت الجامعه

مدرسه كبيره

يعنى

المدرسه

صارت جامعه

والابله


صارت دكتوره

والحصه

صارت محاضره

والمقصف

صار كافتريا

والمريول ياوخيتى


صار تنوره وبلووزه

والكتاب


صار ملزمه

وللحين ساكته

ولاكلمه

ولا نفس

ولاحرف

ولا ابتسامه

ولا

..............


قلت طيب خلينى اقول كم نكته

بديت بالنكته الاولى

والثانيه

والثالثه

يقولك فيه بنت تحرش فيها ولد

قالت جعلك ماتربح !!!


قال ليه الاخت عليها سحب !!

وسمعت صوت ضحكه قويه

بس


مو من البنت الساكته


لا من وحده جالسه اخر القاعه

وصاحبتنا


للحين ساكته

بديت اعصب

وش الجمود

طيب حرف بس

مو معقوله


حاله الانطواء والعزله

و

الصمت

عزمتها ننزل الكافتريا تحت

قلت يمكن تقوم من الركن

وتنحل العقده


تعالى ننزل تحت انا عازمتك

نطقت


مو صاحبتنا


لا


الى جالسه اخر القاعه

احلا ام الكرم

اعزمينى معكم

على المفطح

ووقفت وطلبت من صاحبتنا

ننزل

يالله مشينا

ومدت لها يدى

حسيت انها مثل الاطفال

محتاجه طولت بال وسعه صدر

وللحين يدى ممدوده

يالله امشى

شفت بعيونها كلام وكلام

الم

غصه


وجع

معاناه

وللحين يدى ممدوده....

مافيه فايده

نزلت يدى

وبقيت ابكى

سحبت الكرسي

وجلست

وقلت لها

براحتك

واسفه اذا ازعجتك

بس انا بحاجه لك

طالعت فينى باستغراب

صراحه انا فرحت بالنظره حسيتها بدايه خيط

قلت لها


ايه بحاجه لك

انت مشاء الله بنت هادئه

ولاعندك اهتمام البنات

بالموضه والمكياج

واحسك عقليه متقدمه
تجمعنا قاعه وحده

وقسم واحد

وكلنا خوات هنا ....


وووووووو




صمت


هدواء

وانتهى وقت الفسحه

ورجعت البنات للقاعه

طالعت في صاحبتنا

وقلت خلاص انا بروح مكانى

كنت ابيها تقول لا

اجلسي


بس ماعندك احد

شكلي من جد غثه

وقبل ما اقوم

تشجعت

وحطيت عينى بعينها

وقلت لها


شوفي وانا اختك

ادرى انى ازعجتك

بس والله كنت حابه اطلعك من جو الصمت

وكنت حابه نتكلم مع بعض

وانا والله يابنت الناس

ما ابى من الحزمه الا عود


بمعنى

ما ابى منك شي

غير انك تطلعين من السكوت

وانا سعيده جدا انى جلست معك

وتكلمت

صحيح اكلم نفسي

بس بعد سعيده

واذا حبيتى بيوم تتكلمين

تعالى

انا انتظرك

و

مستعده اسمعك

بالحظه كانت تسمعنى

وعيونها تبتسم


رجعت مكانى

ولما وصلت

للكرسي

طالعت فيها من بعيد

لقيتها هى بعد تشوفنى من بعيد

جلست على الكرسي

وانا اقول

الله يعين الناس

كلن عنده همه


جت صديقتى الى جمبى

وقالت:


سويتى الا براسك

كلمتيها

بالله وش استفدت

هذى هى ماعطتك وجه

اشوفك قاعده تلقطين وجهك

قايله لك

ماتكلم احد

خبله انتى ماتفهمين

انتى توك جديده لك شهور بالجامعه

وهذى اول سنه لك

بس انا عايده السنه

والحبيبه الساكته

بعد عايده السنه معى

ولي معها

سنه وزود

مافيه يوم يوم نطقت بحرف

............

جايه الحين انتى تبينها تحكى


طالعت بصديقتى

وبينى وبينكم مارديت عليها بكلمه

جتنى حاله الصمت الى جت صاحبتنا


طلعت الملازمه

هيه انتى

وش فيك ساكته

ليه ماتردين على؟؟؟

وش تبينى ارد عليك ؟؟

ليه تروحين لها وتكلمينها

قايله لك ماتكلم احد

ادرى ماتكلم احد بس انا حاولت

وكانت مجرد محاوله

صابت صابت

خابت خابت

لا بتخيب اكيد

انتى تدرين وش اسمها الحبيبه عند البنات

قلت وش اسمها ؟ سالت وانا عيونى على السبوره

واشوف اسمها مكتوب هناك


قالت صديقتى


اسمها ابو الهول


ماتنطق ابدا .....

طيب


احيانا السكوت حكمه

واشتغل جهاز التلفاز

بالقاعه

وطلع الدكتور

وبدا يتكلم بالمحاضره


مسكت قلم وقعدت اشخبط على اوراق الملزمه

سالت نفسي


ياترى

انا صح لما رحت وكلمتها

ابدا مو ندمانه

بالعكس

بس يمكن البنت

عندها مشكله كبيره بحياتها

او مالقت احد يسمعها

كتبت بالنص الصفحه


يارب

...............................





انا كتبت لكم قصه فيها من الحقيقه الشي الكثير


والخيال الشي الاكثر ....

ولكم القرار


اذا كنتم حابين


تشوفون وش صار مع صاحبتنا ابو الهول


نكمل


مو حابين



شاكره لكم


واكتفى بالصمت مثل صاحبتى بالقاعه..........










_________________












الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://warm.lovelyforum.net
تناهيد قلب
Admin
avatar

عدد المساهمات : 1063
السٌّمعَة : 1
تاريخ التسجيل : 03/12/2011
العمر : 14
الموقع : http://warm.lovelyforum.net/forum

مُساهمةموضوع: رد: زميلتي طلعت ولد   الخميس مارس 22, 2012 7:33 pm

وانا وش دارنى اى وحده

طيب فيه وحده من الثنتين هنا الحين..

تلفت يمين ويسار

ايه تشوفين ذيك الى لابسه بلوزه زرقاء

ذيك فضه ...

طيب مشكوره

شفتها من اخر الممر

مشيت لها بخطوات

مدرى تذكرت خطواتى لما رحت اكلم حمده

بالقاعه اول مره...

قربت منها

....


غريبه

قلتها بينى وبين نفسي

فضه عكس اختها

انيقه ونعومه وكشخه

وتهتم بنفسها

مو مثل حمده

قربت

انتى فضه؟؟

ايه انا

وانتى مين ؟؟

انتى فضه اخت حمده

ايه انا

مين انتى؟؟

انا سليله

زميله فضه بالقاعه

وكانت حابه اسئل عنها

و,,,,


ايه ايه سليله

عرفتك...

ومن وين تعرفينى ؟؟

من حمده


والله

تكلمت عنى

اقصد

يعنى

مدرى

هههه وش فيك

ايه طول امس وهى تتكلم عن وحده

ملقوفه عندهم اسمها سليله شكلها أنتى

طيب ماعليك زود

وينها ليه غايبه

تعبانه شوى

ماتشوف شر

سلامى عليها..

الله يسلمك

ووقفت مكاني

ياربى اسئلها وش فيها اختك

ما تتكلم

ساكته

اخاف مو وقته السؤال

وش بتقول عني

جايه اطمن على غيابها

او اسئل وش فيها

....
كنت متردده

قطعت على فضه ترددى

سليله ..

ممكن سؤال..

تفضلى

ليه انتى مهتمه بحمده

رغم ان حمده لها سنه بالقسم

عايده السنه

وانا هنا لى ثلاث سنوات

مافيه وحده من بنات القاعه جت سئلت عنها

لا ابد

بس انا امس تكلمت معها

وخفت تكون زعلت من كلامى

و حبيت اعتذر لها بس

وبعدين حنا زميلات قاعه وحده

وواجب اسئل عنها

مشكوره وسئلت عنك العافيه..

بس هى ما احد يسئل عنها

وهنا كانت فرصه

ليه... اقصد ليه ما احد يسئل عنها

مالها علاقه مع احد

عارفه والله بس ليه ؟؟

طيب هى بالبيت معكم ساكته بعد

او تتكلم عادى

هى كانت كذا من زمان

او فجاءه

ومئه سؤال وسؤال

قررت اخيرا اتشجع

واعرف من فضه السالفه

لازم اعرف وارتاح

فضه لو سمحتى انتى عندك محاضرات الحين

لا خلصت

ليه؟؟

طيب

مممكن اتكلم معك

اذا ماعندك مانع

لا ماعندى بس انتى ماعندك محاضره

عندى محاضره وحده الاخيره

بس ممكن اطنشها

واجلس معك

طيب براحتك

طلبت من فضه نتقابل بالكافتريا

تحت بعد ربع ساعه

..........

رجعت القسم فرحانه

اخير بعرف سر الحمده

وليه ساكته

معقوله تكلمت امس عنى عند فضه

طيب ليه هنا ساكته

وصلت القاعه

اخذت شنطتى

نوره

سليله
ر وين..

ها بروح عند وحده بكلمها

الى انتى خابره...

وطلعت بسرعه

ومريت صندوق الى نحط فيه العبايات

كنت انا ونوره مشتركين بنفس الصندوق

وكل وحده منا معها مفتاح

والصندوق من اداره الكليه برسوم ماليه

بسيطه

كنت دائم احط عباتى فيه

واخر النهار اخذها

وقفت قدام الصندوق

وفتحت شنطتى ادور المفتاح

وفتحت الصندوق

مالقيت عباتى؟؟؟

ياربى وينها

وش قراده الحظ

رجعت القاعه بسرعه

نوره

ماشفتى عباتى
لا

انا حاطتها بيدى الصبح بالصندوق

الحين مالقيتها؟؟

وين بتروح يعنى!!

مدرى

بس انا متاكده حطيتها بيدى

نوره

متى حطيتها؟؟

انا جيت الصبح بدرى

وحطيتها بالصندوق

وبعدين رحت الحمام امشط شعرى

وشفت البنات بالحمام

وووووووو


يووووووه

الحين خلينى بعباتى

وينها

وراحت نوره لصندوق

وفتحته

فعلا مو موجوده


طيب

وش اسوى انا الحين

يمكن انسرقت

عباتى انسرقت

بالله شلون تنسرق عباه من صندوق مقفل

وانا وانتى بس معنا مفاتيح

يابنتى انتى وش تحسبين

المفتاح الى معك

كان مع الف قبلى وقبلك

وبعدين هنا تصير سرقات بالهبل

فعلا

سرقه ملازم

سرقه جوالات

وتكثر السرقه اايام صرف المكافاءه

بس عباه سليله

وش الفايده يسرقونها


وقعدت ادعى

على الى سرق عباتى

واشتغلت مداعى جدتى

جعلك ما تتوفق يالى سرقت عباتى

جعلك للمحاق والاسهال المتلاحق

جعلك .........

نوره: ههههههه

الحين اذا دعيتى بترجع عباتك

شوفى لك حل

باقى ساعه على نهايه الدوام

ياربى وش اسوى؟؟

تصرفى

وش تصرفى

اخذر عباتك يعنى!!

وكانت سرقه عباتى

ثانى صدمه اخذها بعد صدمه بنات الحمام

ياربى

وش تفكير البنات

استاذنت نوره


بروح المحاضره بدت

وجلست حايسه

وش اسوى الحين

يوووه

انا عندى موعد مع فضه

الحين تنتظرنى بالكافتريا

وش اسوى بعباتى المسروقه؟؟

باقى ساعه وينتهى الدوام

وانا بدون عبايه

وش القراده

....

رحت لرئيسه القسم

وطقيت الباب ودخلت

ممكن استخدم التلفون لو سمحتى!!

تفضلى..

( مامعى جوال لان مره كتبو تعهد على بالكليه

لان جوالى رن بالمحاضره وحلف ابوى ماروح فيه

نوبه ثانيه )

دقيت على بيتنا ...

طوط

طوط طوط طوط

الو

الو جدتى

هلا بنتى سليله

وش بلاك وانا امك

جدتى عباتى انسرقت

وشو

شلون انصرعت


لا لا ياجدتى

مو انصرعت

انسرقت

وويل حالى

هوهو وش السواة

انسرقت عباتك و انتى بشارع


لا لا

ياجدتى انا بالكليه

المهم

ابى عبايه

طيب وانا امك

وشلون اجيبها لك

ارسلى احد فيها ياجدتى

باقى شوى وينتهى الدوام

ياويل حالى

وتنثبرين بكليتك ماعندك احد

ايه ياجدتى

الفزعه

شوفى واحد من العيال( اخوانى)

يجيب لى عبايه

اى مرايه وش تقولين انتى


لا ياجدتى مو مرايه

عبايه

عبايه

زين زين وانا امك

بس ماعندى غير عباتى انا ارسلها لك

مو مشكله ياجدتى

المهم عبايه

طيب وانا امك

جدتى حطيها بالسياره الحين خلى احد يوصلها لى

اى عياره

وش عيارته

لا لا ياجدتى

سياره
سياره

طيب
طيب

وانا امك

وقفلت السماعه من جدتى

والتفت حولى

لقيت رئيسه القسم

كحلتها سائله من الضحك

تفشلت

فشله

وانا اكلم جدتى كنت مطوله صوتى

الظاهر كل الكليه عرفت بسالفه عباتى

وجدتى...

سالتنى الدكتوره رئيسه القسم

انتى عندى هنا بالقسم

ايه

اى سنه؟؟

اولى

طيب ان شاء الله جدتك تجيب لك عبايه

ان شاء الله

طلعت من مكتب رئيسه القسم بسرعه

وانتهى الدوام

وبدت البنات تطلع من القاعات

خروج

طلعه

نزلت تحت وجلست بالساحه

ياربى وش الورطه

الحين

شلون بطلع

لا عبايه

وجدتى مدرى فهمت على او لا

وبعدين مامعى حتى جوال

شلون بتصرف

وياترى جدتى بتلقى واحد من اخوانى

يجيب لى العبايه؟؟

وبديت اوسوس

وانا جالسه شفت من بعيد وحده من البنات

الى كانت بالحمام الصبح

ياربى انا من شفت الشوفه وانا مو بخير

وانا اقول اصطبحت بوش مين النهارده

ومرت ساعه

والبنات قل عددهم

عطش

فتحت شنطتى ادور ريال

اشترى من اله المشروبات

من جد قراده

مالقيت معى غير عشره ريال كامله

وانا ابى ريال لحاله..

مو لازم بموت عطش يعنى

هاا هذى نوير جت

نوير

هلا

ممكن اهذر شوى بجوالك

ايه ممكن

تفضلى

اخذت الجوال

واحاول اتذكر رقم اخوى

والله الجوالات ماخلت احد يحفظ رقم

دقيت عليه...
الو

سليله ولعنه خامس

وليه مضيعه عباتك

والله لو سالفه ماضيعتيها

كان حافظتها زين

انثبرى مكانك

وحسابك بعدين

كل الكلام قاله وانا ساكته

طيب

انت وينك

انا عند الاشاره حولك وطاعون
طيب

شلون بتوصل العبايه لى ...

وانا وش عرفنى

ادخل بنفسي اجيبها لك

طيب

لحظه

نوير

متى تطلعين

بعد شوى ليه تبين اوصلك

لا لا مشكوره

بس عباتى ضاعت

نوير: ههههههه ضاعت
ايه

واخوى الحين جاء ومعه عباه جدتى

نوير: ههههههههه

وابى اذا جاء اخذ عباتك اروح اجيب عباتى

وارجع ارجع عباتك !!!

نوير:سليلهر وش تخربطين انتى

المهم انا باخذ عباتك دقيقه

اروح السياره اجيب عبايه جدتى وارجع

نوير : يحليها بتجيب جدتها

لا مو جدتى العبايه بس

نوير: طيب مو تبطين ابوى بيجى الحين

زين

رجعت كلمت اخوى

اقولك اذا وصلت دق على الرقم دقه


بطلع لك اجيب عباتى

طالوع يشق بطنك

تطلعين قدام الناس

وويلاه بس
لا لا

بطلع بعباه صديقتى

اخذ منك العبايه وارجع

فجاءه تغير صوت اخوى

وصار لين وهين

طيب اقولك سليله

ليه ماتخلين صديقتك تجى بنفسها

تاخذ عبايتك

هههههه

طيب بعدين نتفاهم

سكرت الجوال

وقعدت انتظره يدق

وبعد دقيقه

دق

نوير: ها هذا اخوك

ايه وصل

عطينى عباتك

بروح وارجع دقيفه


لبست عبايه نوير

وريحتها دخون

اوقولك نوير

وش الدخون بعباتك

ايه هذا دخون ام دحيم

تبيعه

بالله

بكم

الله يسلمك العلبه بميه وخمسين

غالى

بس حلو

طيب ابيك تجيبن لى علبه واعطيك ميه وخمسين

وهنا

دق اخوى

وينك فيه وجع

لا جايه بس اسعر بكم الدخون

اى دخون شبو فيك حريقه

هذا وقته..

وطلعت اركض بسرعه

عند البوابه

وشفت اخوى هناك واقف

اخذت العبايه

مضيعه عباتك هاه

زين

اقولك سليله هذى الحين عباه صديقتك

ايه

يازيناه من عبايه
اذا هذى العباه اجل وشلون راعيتها
هع

هزيت راسي من سوالف اخوى

ورجعت

وعطيت نوير عبايتها

وفتحت الكيس
ابى البس عباتى حقت جدتى
وكانت المفاجاءه
\؟؟؟؟؟؟؟؟؟؟؟؟؟؟؟؟؟؟
حابين نكمل او جاكم الملل ؟؟

_________________












الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://warm.lovelyforum.net
تناهيد قلب
Admin
avatar

عدد المساهمات : 1063
السٌّمعَة : 1
تاريخ التسجيل : 03/12/2011
العمر : 14
الموقع : http://warm.lovelyforum.net/forum

مُساهمةموضوع: رد: زميلتي طلعت ولد   الخميس مارس 22, 2012 7:37 pm

لقيت البنت تصرخ

وش فيك


من عطاك علب المويه


العامله

ليه


ولقيت البنت رجعت للعامله

وتهاوشت معها

وقاروره المويه بيدى

طالعت بتاريخ الانتاج

لسه باقى سنه

وش فيها تصرخ

رحت عندهم

وسالت البنت


وش فيك ؟؟؟

قالت ليه تعطينا مويه نساح!!!


طيب وش فيها مويه نساح ؟؟

انتى خبله

مويه نساح

مويه مكرره

يعنى مويه بيارات الله يعز السامعين


يكررونها


وتنشرب


؟؟؟؟؟؟؟


معقوله

ايه

ورجعت المويه للعامله

وطلبنا مويه ثانيه

قالت العامله

وشو مويه يبى انتى؟؟

قالت الحامل

جيبى القصيم

هنا

حائل

عذبه

اى شي

الا نساح

بتذبحينى انتى..

مشكوره

اول مره اعرف المعلومه

لا الشي معروف

.....

وصلت القاعه وانا احرك القاروره بيدى

واسئل نفسي

كم قاروره مويه نساح شربت من جيت؟؟؟


وصلت القاعه..........


وكان كل همي اليوم اعتذر من فضه اخت حمده

لانى ماقدرت اكلمها على الموعد امس

من مشكله عباتى


جلست بالقاعه

ولقيت نوير دخلت

هلا نوير

هلا

مشكوره هذى طرحتك تفضلى

العفو


اخبار السوق امس

اشوفك لابسه بلوزه جديده

البارح شاريتها

ايه

وش رايك

زوينه

وش زوينه

تدرين كم قيمتها

كم؟؟

350


يؤ


وع مو حلوه

والله لو القها بلاش ما اخذتها

وزعلت نوير

وحبيت اصلح الموقف

ايه بس فيها شي واحد حلو

وشو


انتى الى لابستها


الثوب من راعيته

وضحكت

وطاح الحطب

سليله يووه لو تدرين وش صار امس بالسوق

وش صار؟؟؟


نجود


ايه وش فيها

جت على موعدها امس بالسوق

ايه جت
وشفت لها موقف الله لايوريك؟؟

خير وش شفتى


اخاف تعلمين احد من البنات


لا لا مو قايله قولى


دخلت محل وامى راحت محل ثانى

وبالصدفه شفت نجود بمحل

رغم انى مواعدتها بس ماكنت احسبها جت

لانها مادقت على

طيب

دخلت المحل ولقيتها


ايه


كاشفه وجهها


لا من جدك انتى

ايه

وتضحك مع البائع

اعوذ بالله


معقوله




ايه

للدرجه وصلت فيها


ايه

وقبل ماتكمل نوير كلامها

دخلت وحده القاعه معها مويه نساح

نطيت عندها وتركت نوير....


لاتشربين المويه

ليه

مويه بيارات

وضحكو البنات

وقعدت اقص لها القصه

...

التفت لقيت نوير مكانها

رجعت لها بسرعه


اممممممممم

والله نجود مجنونه اتوقع منها كل شي



يالله

من جد

ايه


يالله ترحمنا برحمته...


و



بدت المحاضره


ودخلت الدكتوره

تشرح


علم العروض


تقطيع الابيات الشعريه

وبحور الشعر العربي


فعولن فعولن فعولن

مفاعيل مفاعيل

ويجيك النوم ....

وبنص المحاضره

دخلت نجود القاعه متاخره

طلعت فيها



جلست نجود

وعينى عليها

نجود

بنت

ما ناقصها شي

جمال

وبنت حموله

وعائله معروفه

يا ترى ليه تسوى الفاعيل

ليه

ممكن قله راقبه من الاهل

.....


انتهت المحاضره الاولى

لمحت حمده جالسه

على نفس الطاوله

ابتسمت لها من بعيد

ولا ردت على

قعدت القط وجهى من الفشله

قلت يالله كسبنا صدقه


رحت عندها وسلمت عليها


الحمدالله على السلامه حمده

سكوووووووووووووت

ليه غايبه عسى ما شر؟؟

سكوووووووووووت

انا امس رحت فوق عند اختك فضه وسالت عنك!!


سكوووووووووووووووووت


طيب


كتبتى محاضره اليوم حابه انقلها منك؟


سكوووووووووووووووت

وانا واقفه مكانى


جت وحده من البنات تركض بسرعه


بنات .... بنات .... بنات ... بنات

الحقو,,, الحقو


وشو

هوشه

هوشه تحت

بالساحه

لاتفوتكم !!!


وهجوا البنات على تحت

ركض

ركضت خطوتين

وشفت حمده ماتحركت من مكانها

حمده تعالى شوفى البنات !!


سكوووووووووووت

نزلت تحت مع البنات اشوف وش السالفه!!


لقيت الساحه مليانه

مافيه مغز ابره

وش الزحمه

طالبتين


متهاوشين

وقفت ما اشوف شي

طلعت الدور الثانى قلت اشوف من فوق احسن

الدور الثانى مفتوح على الساحه

وصلت فوق

لقيت زحمه بعد كل اقسام الكليه طلعت تشوف!!


من بعيد شفت المعركه الضروس

بينى وبينكم

ياشين هوشه الحريم

شد شعر

وعض

ورفس

ومانى قايله

وانا قاعده اتفرج على المهزله من فوق

تذكرت مباره شفتها بالتلفزيون

عن مباره نسائيه

وكانت المباره مصريه

وللحين قاعده اتذكر المعلق

كيف كان يعلق على المباره

وهو يقول:


مرفت ايوه ايوه مرفت بتجرى بالكوره

سعاد جت بسرعه

الله الله دى مديحه بتجرى ناحيه المرمى


ههههههه

ضحكت وانا اتابع الهوشه

جت فرقه من الامن بالكليه

ووقفت الهوشه

وجاءت مسؤله من مكتب اشراف الطالبات

وفرقوا البنتين

وكانت الاشكال دمويه

شوشه منفوشه

وخدوش بالوجه

وسحبت المشرفه البنتين عند الاداره

وشفت وحده منهم حافيه

فقدت جزمتها بالهوشه!!!

رجعت القاعه

لقيت حمده مكانها


ماتحركت

ياربى البنت


حمده ماشفتى البنات

سكوووووووووووووت


والله انك مشاء الله عليك تصدقين حاسدتك الله لايضرك

سكوووووووووووووووت

ايه ما تهتمين بالامور الصغيره

وانتى الوحيده الى مارحتى تشوفين الهوشه

ثقل وعقل ربي يحفظك...


سكوووووووووت


بالحظه وعقب كل المدح بقيت انا اسوى هوشه

بالقاعه

واكفخ الحمده

كل السكوت

ياربى ماتحس

كلمه وحده بس

مو معقوله البنت...

ومر شهر وثنين

والبنت ساكته

كنت كل يوم اصبح عليها بالخير

وسكووووووووووت

اليوم وقفت عندها

وقلت:

حمده انا قررت قرار

طالعت فينى بصمت!!

قلت انا بكره بسكت مارح اتكلم حرف واحد

بسوى مثلك

بجرب عالم الصمت

عالم السكوت

بشوف اقدر او لا ؟؟؟

سكوووووووووووووت


وفعلا جاء اليوم الموعود

وفشلت فشل ذريع

ما اعرف ياجماعه لازم اهذر...

رحت عند حمده

وقلت:

انا اعلنت الهزيمه

انتى غلبتينى بسكوتك

وطلعت من جيبى منديل أبيض وقعدت الوح فيه

هع

استسلام ...

.....

في يوم جيت مثل العاده الصبح

وكنت تعبانه

ووصلت القاعه وحطيت راسي ونمت على الطاوله

حسيت بحركه عند راسي

فتحت عيونى وصحيت


لقيت حمده واقفه عندى!!!

الصراحه خفت

حمده قايمه من مكانها

وجت عندى

غريبه

صرت اطالع فيها وبالكرسي

قلت يمكن احلم ...

وانا بقمه دهشتى

جاءنى صوت يقول:


سليله ممكن اتكلم معك ؟

نطقت

نطقت

نطقت


نطقت

معقوله

مو مصدقه

اخيرا

نطقت

ماعرفت اقوم من مكانى..

ولا عرفت انطق

عدوه السكوت وصلت عندى

صرت انا الساكته

وهى تتكلم

انقلبت الادوار...

هزيت راسي لها بالموافقه

ونطقت ..

ممكن

اكيد ممكن

انا اسمعك


قولى


قالت:

لا مو اليوم خليها وقت ثاني

انتى اليوم شكلك تعبانه

لالا مو تعبانه

هذا الله مير يسلمك البارح عندنا عشاء

وقعدت اكرف للصبح بالتنظيف

وجدتى نامت المغرب وخلتنى لحالى

وضحكت

وضحكت معها...

وجت نوير

نوير

تعالى شوفى حمده


نوير:


هلا حمده


سكووووووووووت

ورجعت حمده مكانها

نوير : وش فيك انتى

نطقت

معقوله

ايه

قالت بكره بتكلم معك ؟

لا والله

شكلك تحلمين

شوفى شوشتك كيف منفوشه

وخشتك وارمه توك قاعده من النوم

كملى نومتك احسن لك!!

التفت عند حمده

وشفتها من بعيد

وابتسمت لها

وابتسمت

والوعد بكره

ياترى

وش سر الحمده

وليه طلبت تتكلم

ياترى وش بتقولى :


ردت نوير


بتقولك


ترى ازعجتينا

ولاعاد اشوفك جايه عندى كل صبح رازه خشتك تصبحين

وترى اذا مابطلتى تهذرين كل ماتشوفينى

بعلم عليك امى

وضحكو البنات..........


بس مو مهم

اهم شي اشوف وش عندها...








باقى اعترفات حمده


حابين تسمعون الاعترفات....

صباح جديد من صباحات روتينيه

تحمل نفس الحركات والهموم

دقت الساعه عند راسي الصبح

وما قدرت اقوم

خبطتها بيدى وجبت اجلها

عاد انا سمعت عن اختراع ساعات تطير فى الجو

يعنى لما تدق الساعه

تطير بالغرفه

وانت بالحاله تظطر تقوم تلحقها

عشان تطفينها

قلت ليتنى اجيب وحده زيها

واقعد اطارد وراها بالغرفه كل صبح

اليوم الاربعاء

ازين ايام الاسبوع اكيد

لبست ملابسي

ونزلت بسرعه

يالله تصبحها بالخير جدتى

هلا

انتبهى وانا امك على عباتك لاتفصخينها ابدا

ابشرى

ماتبين فنجال قهوه يقعد راسك

لا جدتى مايمدينى

يالله امكن واروح

طيب ,,,

منو بيودينى الكليه اليوم ؟

كلهم طلعوا...

شلون طلعوا وخلونى ....

دقيت بسرعه على ساره بالجوال

ردت على أغنيه

تقول

مو خساره مو خساره

يابعد عمر ساره !!!

يالله صباح خير

اخيرا ردت

الو ساره

هاه

اسمعى طلعتى من البيت او للحين ؟

لاتونى مابعد جاء الباص

حلو

اجل تكفين خلى راعى الباص يمرنى

ماعندى احد يودينى

زين



وجاء الباص

وعو ما احبه

بس للظروف احكام

ركبت الباص

يوووه

زحمه

مالك مغز ابره كل الاماكن

كل هذولا بيتخرجون ويطحون فى عالم البطاله

مامن وظائف تضفهم

يعرسون ابرك

كلها خدمه للوطن!!!!

هع

وقفت بالباص كنى خبله

وتذكرت الافلام المصريه

وحنا بتوع الاتوبيس

وقلت الله يعين

وشفت يد من بعيد تلوح لى

حلوه تلوح هذى مدرى كيف جت

هع

هذى ساره ياحليلها حاجزه لى مكان جنبها

تعالى انثبرى

وش فيك اشر لك وانتى مو هنا...

لا ابدا افكر بالخريجات وخدمه الوطن !!!

وشو ...

وش الخرابيط

اقول انثبرى بس ...

وجلست جمب ساره وكانت ساره قاعده جمب الشباك!!

اقول ساره

هاه

ليه انتى الى جالسه جمب الشباك

خلينى اجلس انا

اقول طرار ويتشرط

الحين احمدى ربك

الى رديت على جوالك الصبح

واحمدى ربك الى خليت راعى الباص يمر بيتكم

واحمدى ربك الى حاجزه لك مكان

انثبرى بس...

طيب ,وو والله صادقه الحمدالله

الذى لايحمد على مكروه سواه,,,,

ساره وش فيك تعبانه او متضايقه ؟

مافينى شي

لا فيك

خير .....

ياربى ارمى نفسي من الشباك وترتحين ,,,

وشوى

وبكت ساره

!!!!!

يؤ يؤ

ساره انا اسفه ماقصدت ازعلك

وش فيك ؟

ابوى ,,, ابوى ياسليله...

وش فيه ؟؟

للحين مصر على رايه ...

اها فهمت

ابوك للحين بيزوجك ولد عمك وانتى رافضه

ايه

البارح قالى مالك غيره

رضيتى او انرضيتى

لو تنقزين لسابع سماء مالك الاهو ...
حاولى ياساره تتكلمين مع ابوك

هذى حياتك ...

عجزت ,,, عجزت

انتى ياسليله فاهمه علي ,,,

والله فاهمه ياساره ,,انتى محجوزه مثل كراسي الباص

بس الشكوى الله

مابيدى شي اسويه لك ..

ادعى ربك والفرج من عنده...

لا مو فاهمه ياسليله ...

مو فاهمه ...

ووقف الباص عند الاشاره

عاد الاشاره غثه طويله

يمدى ساره تاخذ ولد عمها وتجيب عيال

والاشاره باقيه مافتحت ...

ساره تكلمى وش فى خاطرك؟

مو فاهمه انك تتزوجين واحد

ماتحبينه

مافيه ترابط بينك وبينه ..

طول عمرك ماحسيتى باى احساس له ...

ياساره انجح الزوجات الحب بعد الزواج

والعشره ..

اقول اسكتى هذا كلام جدتك

اجل وشو الى انا مو فاهمته ...

فهمينى ,,,

سليله ,,,

ياخير,,

انا

ايه

انا احب

يؤيؤ

والله

ايه

وهو يحبك

مادرى

لاحول ولاقوه الابالله

وش القراده

حب من طرف واحد

واكتشفت ان ساره تحب ولد خالتها

من سنين..

بس من بعيد

سليله


خير

تعتقدين يحبنى ؟؟

ههههههه الحمدالله والشكر

يابنتى افهمى على واذكرى ربك

هو من العائله صح

صح

ويدرى بسالفه خطوبه ولد عمك لك

صح

صح

اجل مافكر فيك

ولاجاب طارى لك ..

لو فيه بقلبه شي كان تحرك وتكلم ..

وهنا


فتحت الاشاره

ووفتحت عيون ساره وقامت تصيح ....


طالعت بساره بكل حسره ...

بنت جامعيه

بس للحين مالها حق وكلمه

بشريك حياتها

الاب يقرر ويوافق

حال ساره مثل حال كثير من البنات

ترفض واقع مفروض عليها

وتحب بصمت



تركت ساره تبكى وتبكى

يمكن ترتاح من هموم

وفجاءه

والباص يمشي

صوت صراااخ


لالا

يوووووووووه


يمه


قله ادب ياقليل الحياء

يالى ماتستحى على وجهك

واختبص الباص

والى واقفه جلست والى جالسه قامت..

وواقف راعى الباص

ونزل من الباص؟؟؟؟؟


وش فيه

وش صار ؟؟؟

سياره صغيره كانت تمشى ورا الباص

ومسويه ازعاج للبنات الى اخر الباص

ساره : يقولون شباب مسوين ازعاج للبنات الى ورا

وانتى وش دارك يمكن البنات معطينهم ضوء اخضر ..

الحين مين الى صرخت وتقول قله ادب

هذى شوفيها الى جالسه ورا...

وجتنى حساسيه لازم اعرف وش السالفه

وسالت البنت الى جالسه وراى

لو سمحتى,,, وش السالفه

وش فيك ماتسمعين

لامعليش كنت نايمه

اخذت غطه تونى اقوم

ليه الباص واقف

الظاهر وصلنا يالله ننزل...

اى وصلنا انتى

كملى نومتك ابرك

هذولا شباب يلحقون الباص




ههههههههههههه


من جد والله

ايه ماتشوفين


لا والله ماشفت

كنت

ايه نايمه

ايه صح

ومشى الباص

......

وصار ازعاج كل البنات يتكلمون بسالفه

التفت لساره

وقلت زين الحين صار فيه خبر الموسم

يهذرون فيه البنات

ووصل الباص

ودخلت الكليه

وطلبت من ساره تروح تغسل وجهها

منتفخ من كثر الصياح

.......

مريت الكافتريا

مثل العاده

وانا واقفه

سمعت بنتين يتكلمون


يقولون شباب دخلوا على باص بنات من كليتنا !!


ايه ويقولون هددوا السائق بمسدس

والبنات تصرخ

ايه وسمعت بعد ان الشرطه والهلال الاحمر

والدفاع المدنى جوا

ايه وسمعت بعد انهم مسكوا بنت رهينه

وطلبوا سياره واخلاء سبيلهم او يذبحون البنت!!


ههههههههههههههه


كل هذا سمعتوه

ايه

متى؟؟؟ تو الباص واصل!!!

سمعنا ان فيه بنات اتصلوا على بعض

وقالو الباص محاصر!!!!

لا

انا سمعت ان الباص صدم واحترق

وماتو كل الى فيه ....


ههههههههههههه

طلعت القاعه

وانا على الدرج شفت

منيره تركض....

منيره

هلا سليله

وين ؟

بروح الحاضنه تجين معى ,,و

يالله

ونزلت تحت قسم الحضانه

خاصه بالاطفال

اطفال الطالبات والموظفات بالكليه

كان ولد منيره عليه حراره

الله يهديك بس كان ماجيتى اليوم وغايبه

دام ولدك مصخن,,,

ما اقدر

عندى غياب واجد

دخلت الحضانه

وشفت الصغار

يهبلون

اللى نايم

واللى يبكى

واللى هادى

ياربى وش ذنب الصغار

يجون من صباح الله خير

المفروض الواحد الحين بفراشه

الشكوى لله

تطمنت منيره على ولدها

ورجعنا القاعه ...

دخلت القاعه وبسرعه جت عيونى على كرسي

حمده..

اليوم بتتكلم معى

ان شاء الله تتكلم ولاترجع لحاله الصمت ..

شفت حمده جالسه مكانها مثل العاده..

وصلت عندها ...

صباح الخير

هزت راسها وضحكت...

حمده .. انا جاهزه اسمعك اليوم

انتى للحين عند وعدك ..

وهزت راسها مره ثانيه

,,,

ورجعت مكانى

ودخلت نوير ..

هلاسليله

هاه بشرى حكت معك ابو الهول ؟؟

لا للحين بس عند وعدها...

تدرين نوير لو ماحكت بحطها بالباص حقنا

الى يركب فيه يتعرف على طول

قلت الكلام وعيونى على ساره

الى غسلت وجهها وللحين الدمع بعيونها ...

دخلت ريم القاعه

صباح الخير يالربع

هلا ريم

هلاسليله

اقولك

اليله زواج ولد عمتى ,, تجين للعرس

وين عرسكم

بالقاعه ذيك الى على الشارع

ايه ايه عرفتها

تجين اعطيك بطاقه

عطينى

بس ترى جدتى بتجى معى

حياك الله انتى وجدتك

واخذت بطاقه من ريم

اليوم الاربعاء واليله الزواج

ووزعت ريم بطاقات على بنات القاعه

نوير تروحين ..

ايه

مسكت البطاقه ورحت عند حمده

حمده ماتجين للعرس اليله تعالى وسعى صدرك

ونزلت راسها و

بدت المحاضره ...

كانت ماده عامه وثقافيه

ودكتور الى بالشاشه اعمى مايشوف

سبحان الله ومعه دكتواره

سبحان الله يارب ...

انتهت المحاضره

وبسرعه رحت عند حمده

حمده تعالى نتمشى شوى برى القاعه

وأول مره حمده تقوم وتطيع

وطلعنا

....

حمده

نعم

انا اسمعك ممكن تتكلمين

اتفضلى ...

وش تبينى أقولك ؟؟

قولى الى بخاطرك

اى شي

مو ضرورى تقولين لى ليه حاله السكوت عندك

مو مهم

قولى لى هوياتك

اهتمامتك

وش تحبين

وش تكرهين

و

احب الكوره والسيارات؟؟؟؟

طيب عادى فيه كثير يحبون النوع من الرياضه

لو انها ماتناسب البنت ...

بس ممكن ليه لا

وانتى ماتحبين الكوره والسيارات

انا

لا

مالى علاقه فيهم صراحه

يعنى ماتشجعين فريق؟؟؟؟؟

لا اشجع المنتخب...

غريبه

ووين الغرابه

حسبتك تشجعين الفريق هذاك...

وش معنى الفريق هذاك..

لان أغلب البنات يشجعونه

ولان اخت اللاعب هذاك

موجوده معنا هنا بالكليه

ايه شفت اخته

والبنات حولها زى النمل عشان اخوها

الله لايبلانا...

طيب حمده مارح تجين العرس اليله

لا ماظن ..

ليه ؟؟

ما احب العروس

وجع راس

تعالى اتفرجى على الموديلات والتسريحات

و


هذى كلها خرابيط

واكتشفت ان حمده مالها ميول ابد

بالموضه والمكياج

والتسريحات

والملابس

وطالعت فيها

شعرها مو مقصوص

مربوط على بعضه

اظافرها ما اطن بيوم بردت الاظافر

او حتى حطت مناكير مثل البنات

....

حمده

نعم
ليه كنتى ساكته طول المده؟؟

او

ليه قررتى تتكلمين اخيرا ؟؟

ماحد فاهمنى ياسليله

شلون

ابوى من ولادتى كان رافض وجودى

لما بشروه انى بنت زعل وتضايق

من جيت على الدنيا وانا احس انى شؤم ووباء على أقرب

الناس لى ...

فى الشهر الى جيت فيه

ابوى طلق امى

ورجعها بعدين

بس للحين كل ماتشوفنى

تقول

من شفتك ماشفت خير ابدا

اخواتى البنات الى أصغر منى

كلهم تزوجو

وانا ما احد فكر يخطبنى

لانى شينه

ولاعندى اسلوب مثلهم

ولا عندى طلعات وروحات واختلاط مع الى حولى

دايم لحالى

_________________












الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://warm.lovelyforum.net
تناهيد قلب
Admin
avatar

عدد المساهمات : 1063
السٌّمعَة : 1
تاريخ التسجيل : 03/12/2011
العمر : 14
الموقع : http://warm.lovelyforum.net/forum

مُساهمةموضوع: رد: زميلتي طلعت ولد   الخميس مارس 22, 2012 9:55 pm

لاسسسسسستكماال الرواية.........http://v.3bir.com/177568/

_________________












الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://warm.lovelyforum.net
 
زميلتي طلعت ولد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
!أَحٓٱسٍيسٰ بّنُإتٖ♥ :: ღ♥ღ المنتديات الادبية ღ♥ღ :: قصص و روايات-
انتقل الى: